FeedbackFruits verkfærin
FeedbackFruits er safn verkfæra í Canvas sem styðja við virka þátttöku nemenda, endurgjöf, jafningjamat og samvinnu. Hægt er að bæta gagnvirkni við hefðbundin námsgögn, svo sem PDF-skjöl og myndbönd, með spurningum og umræðum sem tengjast ákveðnum stöðum í efninu. Þannig fá nemendur tækifæri til að vinna með námsefnið, kanna skilning sinn og læra hver af öðru.
Hér fyrir neðan finnur þú leiðbeiningar um einstök verkfæri og hvernig þú setur upp FeedbackFruits-verkefni í Canvas.
Verkfærasafnið
Námsefni gert gagnvirkt
Samvinna og umræður
Settu upp verkefnið í Canvas
Nauðsynlegt er að ákveða fyrst hvaða FeedbackFruits-verkfæri verður notað.
Upplýstu nemendur um FeedbackFruits-verkefnið
Tilgreindu heiti verkfærisins á íslensku og ensku í verkefnislýsingunni svo nemendur geti fundið réttar leiðbeiningar. Gott er að láta einnig fylgja tengil á leiðbeiningar nemenda fyrir verkfærið.
Nemendur átta sig ekki alltaf á því að FeedbackFruits-verkefni geta verið í mörgum skrefum með ólíkum skilafrestum og telja því stundum að verkefninu sé lokið áður en öll skref hafa verið kláruð.
Tilgreindu því öll skref og skilafresti í verkefnislýsingunni og taktu skýrt fram að nemendur þurfi að ljúka hverju skrefi til að ljúka verkefninu. Ef einstök skref hafa vægi í einkunn þarf einnig að útskýra að það lækki einkunn sjálfkrafa ef nemendur sleppa skrefi eða ljúka því aðeins að hluta. Bentu jafnframt á að dagsettir skilafrestir birtast í námskeiðsdagatalinu.
Kynning og kennslufræðilegur bakgrunnur
Kjarninn í nálgun FeedbackFruits er að kennslufræðin komi fyrst og leiði tæknina áfram, ekki öfugt. Áhersla er lögð á kennsluaðferðir sem bæta námsárangur, þar sem tæknin þjónar sem tól til að styðja við kennslufræðileg markmið
Markmið FeedbackFruits er að hlúa að umhverfi þar sem gagnrýnin hugsun fær að blómstra. Verkfærin eru hönnuð sérstaklega til að efla þessa nauðsynlegu færni.
FeedbackFruits leggur áherslu á að skapa kraftmikla námsupplifun sem hvetur til virkrar þátttöku. Markmiðið er að kanna stöðugt nýjar leiðir til að efla þátttöku nemenda, ekki eingöngu í tengslum við námsefnið heldur einnig með samskiptum, samvinnu og samræðu við aðra nemendur og kennara.
Á tímum óþrjótandi upplýsingaflæðis er mikilvægi gagnrýnnar hugsunar óumdeilt. Með því að skapa tól sem styðja við ígrundun og greinandi hugsun, er markmið FeedbackFruits að undirbúa nemendur ekki aðeins sem upplýsinganeytendur heldur til að skilja, gagnrýna og nota þekkingu sína á þýðingarmikinn hátt.
FeedbackFruits vill umbreyta menntun með því að setja nemandann í miðju námsupplifunar og efla menningu sem fóstrar virkt nám, gagnrýna hugsun og samvinnu.