Gagnvirkt myndband (e. Interactive Video)
Markmið
Kennslumyndbönd eða upptökur eru mikilvæg gögn í kennslu nánast allra námskeiða. Áhorf eða hlustun krefst hins vegar ekki mikillar virkni af nemanda. Nemandinn er að mestu óvirkur á meðan horft er eða hlustað. Gagnvirknin felur í sér að láta spurningar eða umræðuþræði fylgja tímalínu myndbandsins og virkja með því nemendur til að eiga í samskiptum um efnið og takast á við að svara spurningum. Gagnvirknin gerir kennara mögulegt að nota vendikennslu þ.e.a.s. láta nemendur horfa á upptöku, svara spurningum og/eða taka þátt í umræðu heima en nota kennslustundina til að fara dýpra í efnið s.s. með umræðum. Kennarinn getur að auki leyft nemendum að skrá athugasemdir eða hefja umræður tengdar tímalínu myndbands og aukið sjálfræði þeirra í náminu enn frekar.
Sjá nánari kynningu á gagnvirku myndbandi á vef FeedbackFruits.
Leiðbeiningar kennara
- Byrjaðu á að stofna verkefnið, sjá nánar:
FeedbackFruits verkefni stofnað í Canvas. - Opnaðu verkefnið aftur, farðu í Breyta og veldu stillingar og möguleika með hliðsjón af leiðbeiningum FeedbackFruits:
Interactive Video | Setting up. - Að skoða virkni nemenda:
Video: Active Assignment.
Leiðbeiningar nemenda
Í leiðbeiningum FeedbackFruits fyrir nemendur getur kennari kynnt sér hvernig tólið virkar frá þeirra sjónarhorni. Einnig er upplagt að benda nemendum á þessar leiðbeiningar.