Beiðni um endurgjöf á hæfni
Verkfærið gefur nemendum kost á að óska eftir endurgjöf frá utanaðkomandi matsaðila á tiltekna hæfni eða færni. Það hentar til dæmis í starfsnámi, vinnutengdu námi, klínísku námi, vettvangsnámi, mentorsverkefnum og öðru samhengi þar sem hæfni nemenda er metin út frá athugun á framkvæmd, frekar en innsendu verkefni.
Endurgjöfin fylgir ramma sem kennari skilgreinir, en nemendur bera ábyrgð á að senda beiðnina og vinna með endurgjöfina sem þeir fá. Ólíkt Feedback Request on Work skila nemendur ekki inn verki; matsaðilar veita endurgjöf út frá því sem þeir hafa séð eða fylgst með í hæfni nemandans.
Matsaðili getur til dæmis verið leiðbeinandi á vinnustað, mentor, klínískur leiðbeinandi, utanaðkomandi matsaðili eða samstarfsaðili úr atvinnulífinu. Hann þarf ekki að hafa aðgang að Uglu, Canvas eða FeedbackFruits til að veita endurgjöf. Endurgjöfin skilar sér inn í FeedbackFruits verkefnið í Canvas.
Kennari setur upp verkefnið, skilgreinir hæfniviðmið, matskvarða, einkunnaskala, leiðbeiningar fyrir matsaðila, skilafresti og aðrar viðeigandi stillingar.
Kennari getur einnig ákveðið hvort nemendur fái endurgjöf á öll viðmið eða hvort þeir megi velja hvaða hæfni eða færni þeir vilja fá endurgjöf á.
Nemandi býr til beiðni um endurgjöf, skráir hver á að veita endurgjöfina og sendir beiðnina til viðkomandi úr verkefninu. Ef kennari leyfir getur nemandi valið hvaða hæfni eða færni hann vill fá endurgjöf á.
Þetta gefur nemendum virkt hlutverk í að greina á hvaða sviðum þeir þurfa endurgjöf.
Matsaðili fær tengil í tölvupósti og gefur einkunnir og/eða skrifar athugasemdir út frá þeim viðmiðum sem valin eru í verkefninu og sendir inn.
Leiðbeiningar kennara
- Stofnaðu verkefnið:
FeedbackFruits verkefni stofnað í Canvas. - Opnaðu verkefnið þitt, farðu í Breyta, settu inn dagsetingar og veldu aðra möguleika sem henta verkefninu með hliðsjón af leiðbeiningum FeedbackFruits:
Feedback Request on Skills: For Teachers.
Leiðbeiningar matsaðila
Leiðbeiningar nemenda
Í leiðbeiningum FeedbackFruits fyrir nemendur getur kennari kynnt sér hvernig tólið virkar frá þeirra sjónarhorni. Einnig er upplagt að benda nemendum á þessar leiðbeiningar.