Tekið upp með Panopto
Leiðbeiningarnar fyrir neðan gera ráð fyrir að Panopto sé þegar uppsett á tölvu. Forritið er uppsett í allflestum kennslutölvum skólans.
Með því að opna námskeiðsvefinn í Canvas og setja upptökuna af stað þar tryggirðu að hún vistist á réttum stað (í Panopto möppu námskeiðs). Panopto upptökur koma fram undir Panopto Video hlekknum í valmynd námskeiðs en kennari getur einnig látið upptökur koma fram á síðum námskeiðs eða í einingum.
Upptaka sett af stað
Leiðbeiningarnar gera ráð fyrir að Panopto upptökuforritið sé þegar uppsett á tölvuna.
- Opnaðu námskeiðið í Canvas og smelltu á Panopto Video tengilinn í leiðarstýringu (valmynd) námskeiðsins til vinstri. Ef Panopto Video vantar í leiðarstýringu þarftu að bæta tenglinum við fyrst, sjá nánar Stillingar námskeiðs og leiðarstýring.
- Smelltu á Create hnappinn og veldu eftir atvikum, Panopto for Windows eða Panopto for Mac.
- Smelltu á Open Panopto hnappinn. Hér kemur yfirleitt upp viðvörun þar sem þarf að smella á Open Panopto Recorder. Panopto forritið opnast.
Í Panopto
- Mappa námskeiðsins ætti að vera sjálfvalin í Folder línunni. Gaktu úr skugga um það.
- Gefðu upptökunni lýsandi heiti við Name, þannig að þú getir auðveldlega fundið hana síðar.
- Veldu stillingar sem eiga við. Sjá nánar útskýringar á stillingum fyrir neðan myndina.
- Smelltu á Record-hnappinn til að hefja upptöku.
Hlé á upptöku: Ef gera þarf hlé á upptöku er gott að ljúka upptökunni, vista en hefja nýja upptöku eftir hlé, hafa tvær styttri upptökur frekar en eina langa.
Einnig er mögulegt að gera hlé á upptökunni með því að smella á Pause hnappinn (hnappurinn birtist eftir að upptaka er sett í gang) og smella á Resume hnappinn til að halda upptökunni áfram eftir hlé.
Hvað er í Panopto upptökuglugganum?
Skýringar á stillingum:
- Folder – Mappa námskeiðs þarf að vera valin til að upptaka vistist á réttan stað.
- Name – Heiti upptökunnar. Ef heiti upptöku er ekki skráð fær hún sjálfvirkt heiti samkvæmt dagsetningu og tíma.
- Webcast – Hér þarf að merkja við ef streyma á upptöku. Þegar upptaka er streymd geta nemendur fylgst með upptökunni í Canvas í rauntíma, á meðan upptakan á sér stað.
- Hljóðsleði – Yfirleitt passar að færa bláa punktinn upp að rauða svæðinu á hljóðsleðanum. Öruggara er að gera prufuupptöku til að kanna hvernig hljóðið kemur út.
- Video – Ef eingöngu á að taka upp hljóð og það sem sést á tölvuskjánum skal velja none. Ef kennari vill vera í mynd þarf að velja hér myndavél.
- Audio – Hljóðnemi þarf að vera valinn. Áríðandi er að prófa hljóðið. Gott er að setja hljóðsleðan upp undir rauða svæðið.
- Quality – Ultra er sjálfvalið og hentar vel.
- Capture Computer Audio – Ef á að spila t.d. youtube-vídeó, eða annað það sem notar hljóð tölvu, er betra að merkja hér við. Ef hljóð upptöku á einungis að innihalda tal kennara, er sleppt að merkja við computer audio.
- Secondary Sources:
- Capture PowerPoint – Merktu við ef upptakan á að innihalda glærur úr PowerPoint. Panopto vinnur með PowerPoint forritinu, býr til efnisyfirlit (index) og gerir mögulegt að leita í glærunum.
- Capture Main Screen – Merktu við ef upptakan á að innihalda það sem sýnt er á skjá tölvunnar (PowerPoint og/eða annað).
- PowerPoint/Main Screen – Þegar merkt er við PowerPoint (nr.9.1) tekur Panopto upp tvær rásir (við spilun getur sá sem horfir skipt á milli rásanna).
- Enable screen capture preview – Á við þegar notaðir eru tveir skjáir í upptöku. Þessi valkostur hefur ekki áhrif á upptökuna sjálfa.
fps Ef upptakan felur í sér mikla hreyfingu er mælt með að stilla í 15 ramma á sekúndu (fps 15). Ef sýna þarf vídeó inn í upptökunni t.d. á Youtube er mælt með að stilla fps í 30. Ef fps er stillt of lágt geta hreyfingar í upptöku komið hökktandi út. Athugið að hærra fps skapar meira álag á tölvuna svo gott er að gera prufu til að kanna hvort tölvan höndlar það.
kbps uppfærist sjálfvirkt m.v. hvaða upplausn og fps er valið. - Record – Hnappur til að setja upptöku í gang.
Lok upptöku
- Smelltu á Stop-merkið.
- Gefinn er kostur á að endurnefna upptökuna og setja inn lýsingu á henni.
Smellið á Done.
- Nauðsynlegt er að bíða þar til Upload Progress er lokið (sjá mynd), eftir það er óhætt að skrá sig út úr Panopto.
Eftir þetta fer upptakan í vinnslu á Panopto vefþjóninum, sem getur tekið fáeinar klukkustundir, allt eftir álagi og lengd upptöku. Að því loknu verður upptakan aðgengileg nemendum í Canvas. Ef upptakan á ekki að vera aðgengileg nemendum strax að lokinni vinnslu þarf að breyta aðgangsstýringum upptökunnar.