Nafnlausar athugasemdir kennara
Nafnlausar athugasemdir kennara fela nafn kennara fyrir nemendum í athugasemdum sem eru settar beint inn í skil nemenda í skjalaskoðara SpeedGrader. Þetta getur hentað þegar fleiri en einn kennari eða matsaðili fer yfir verkefni og ekki á að koma fram hver skrifaði hvaða athugasemd. Athugið að almennar athugasemdir í hliðarstiku SpeedGrader verða ekki nafnlausar.
Best er að virkja stillinguna í verkefninu áður en skil nemenda hefjast. Ef athugasemdir eru settar inn áður en stillingin er virkjuð í verkefninu verða þær undir nafni, ekki er hægt að fela athugasemdir eftir á.
Nafnlausar athugasemdir virkjaðar í námskeiði
Byrja þarf á að virkja nafnlausar athugasemdir í stillingum námskeiðs.
- Smelltu á stillingar neðst í valmynd námskeiðsins.
- Veldu flipann valkosti þátta, ofarlega á skjánum.
- Skrollaðu niður og finndu stillinguna nafnlausar athugasemdir kennara.
- Smelltu á rauða krossinn hægra megin við og veldu að heimila, ekki þarf að vista. Eftir að stillingin hefur verið virkjuð mun valkosturinn koma fram í uppsetningu verkefna.
Nafnlausar athugasemdir virkjaðar í verkefni
- Opnaðu verkefnið og smelltu á breyta.
- Finndu stillinguna nafnlausar athugasemdir kennara og merktu við hana.
- Vistaðu verkefnið.
Eftir þetta birtist nafn kennara ekki með athugasemdum í skjali nemanda, þegar nemandi skoðar yfirfarin skil.