Annað gagnlegt
Opið efni (e. Commons)
Hvað er Opið efni í Canvas?
Svæði til að deila efni með öðrum Canvas notendum, t.d. verkefnum, vídeóum, síðusniðmátum eða heilu námskeiði og nota efni frá öðrum í eigin námskeiðum.
Aðgangsstýring
Kennarinn velur sýnileika efnis sem hann deilir, s.s. að deila því með öðrum innan HÍ, með öllu Canvas samfélaginu eða hafa það einungis fyrir sig og ekki sýnilegt öðrum.
Ávinningur
Leyfa öðrum að nota vel heppnað efni. Spara tíma með því að nota tilbúið efni frá öðrum. Geyma mikilvægt efni. Fljótlegt er að flytja efni inn á eitt eða fleiri námskeið með einni aðgerð. Hægt er að flytja efni fyrst á eigið æfingasvæði í Canvas til skoðunar og prófunar áður en það er flutt á lifandi námskeið.
Tvö eða fleiri námskeið kennd saman
Námskeiðum, tveimur eða fleiri sem kenna á saman, er hægt að gefa einn námskeiðsvef í Canvas. Nemendur beggja (allra) námskeiða fá aðgang að vef þess námskeiðs sem valið er að hafa ráðandi. Oft hentar að hafa fjölmennasta námskeiðið ráðandi. Nemendur beggja námskeiða sjá þann námskeiðsvef í Canvas. Námskeiðsvefir sem verða ekki notaðir Til að valda ekki misskilningi er ráðlagt að hafa þá námskeiðsvefi sem verða ekki notaðir óbirta nemendum í Canvas. Heiti námskeiðs Hægt er að láta námskeiðsnúmer beggja (allra) námskeiða birtast í heiti sameiginlegs námskeiðsvefs. Ef það er ekki gert um leið og námskeið eru sameinuð er hægt að óska eftir því með því að senda beiðni á hjalp@hi.is. Skráning lokaeinkunnar Þegar lokaeinkunn er flutt í Uglu í sameinuðum námskeiðum flytjast eingöngu einkunnir nemenda sem upphaflega voru skráðir á námskeiðið (ráðandi námskeið). Skrá þarf lokaeinkunnir í víkjandi námskeiðum handvirkt með því að finna námskeiðið undir Uglan mín > Námskeiðin mín og smella á táknið til að skrá lokaeinkunnir (aftarlega í línu námskeiðs). Hlutar námskeiðs Þegar námskeið eru sameinuð eignast hvert námskeið svokallaðan hluta á sameinaða námskeiðsvefnum. Hver hluti heldur utan um nemendur eins námskeiðs. Hlutar gera kennara kleift að takmarka aðgengi að verkefni eða öðru efni við nemendur eins námskeiðs. Hlutana er hægt að skoða undir stillingum námskeiðs, efst í flipanum hlutar. Sjá nánar: Aðgengi stýrt með námskeiðshlutum. Til að sameina námskeið Vinsamlegast sendið skilaboð á hjalp@hi.is með „Sameining námskeiða“ í línunni fyrir málefni. Látið námskeiðsnúmer og misseri námskeiðanna fylgja ásamt því hvaða námskeið á að vera ráðandi.Endurheimta efni sem var eytt
Fyrir kemur að við tiltekt á námskeiðsvefnum er einhverju eytt fyrir mistök. Canvas býður upp á leið til að endurheimta efni sem hefur verið eytt. Fara þarf á heimasíðu námskeiðs, bæta við aftan við slóðina í vafranum /undelete og smella á enter á lyklaborðinu. Upp kemur listi yfir atriði sem hefur verið eytt úr námskeiðinu. Atriðið sem á að bjarga er fundið og smellt á endurheimta. Sjá nánar í myndbandinu fyrir neðan.
Tenglaprófun á innihaldi námskeiðsvefs
Það er bagalegt þegar tenglar í efni hætta að virka á námskeiðsvefnum. Fyrir því geta legið mismunandi ástæður, eitthvað aflagast við tiltekt á eða að búið sé að taka niður eða færa til efni sem vísað var í á netinu. Hægt er að láta Canvas leita í gegnum námskeiðsvefinn og finna brotna og óvirka tengla. Aðgerðin er undir Stillingum neðst í valmynd námskeiðs og hægra megin í Tenglaprófun á innihaldi.
Sjá nánar How do I validate links in a course? á Canvas Community vefnum.
Opna fyrir nýja eiginleika námskeiðsvefs
Sumir eiginleikar í Canvas eru valfrjálsir eða nýir og hægt er að kveikja eða slökkva á þeim í stillingum námskeiðsvefsins, undir flipanum Valkostir þátta. Þetta á t.d. við snjall-leit, umræðusamantekt með gervigreind og fleiri eiginleika. Til að prófa hvernig eiginleikar virka er t.d. hægt að byrja á að kveikja á þeim á æfingasvæðinu. Nauðsynlegt er að skoða einnig sem nemandi til að sjá hvernig eiginleikarnir virka fyrir þá. Með því að skoða Snjallleit námskeiðs hér fyrir neðan er hægt að fá nánari útskýringu á því hvernig kveikt er á nýjum eiginleikum námskeiðsvefs.
Sjá einnig á vef Instructure:
- Hvernig kveikt er á eða slökkt á valfrjálsum eiginleikum námskeiðsvefsins í:
How do I manage feature options for a course? - Upplýsingar um það nýjasta og það sem er á döfinni í Canvas Releases
Virkja snjallleit í námskeiði
Til að setja upp snjallleit á námskeiðsvef þarf að gera eftirfarandi:
- Fara í Stillingar neðst í valmynd námskeiðs.
- Velja Valkosti þáttar, flipann ofarlega á síðunni.
- Finna Snjallleit og heimila.
- Velja flipann Leiðarstýringu.
- Athuga hvort „Snjallleit“ kemur fram í efri hlutanum þar sem virkir tenglar í valmynd eiga að vera. Ef hún er ekki þar þarf að færa hana þangað.
- Vista neðst á síðunni.
Snjallleitin birtist í valmynd námskeiðsins vinstra megin.