Um ólík hlutverk í námskeiði
Þegar kennari er skráður á námskeið í Uglu er hægt að velja úr nokkrum hlutverkum svo sem kennari, umsjónarkennari eða gestakennari. Það hlutverk sem er valið fylgir kennaranum yfir í Canvas og kemur fram við nafn kennarans þar, í þátttakendalista námskeiðs (fólk).
Hlutverkin stýra einnig heimildum kennarans á námskeiðsvefnum, t.a.m. hvort kennari hefur aðgang til að setja upp eða eyða efni, skrá einkunnir o.fl. Flest hlutverkin gefa allar heimildir kennara í námskeiði. Tvö af þessum hlutverkum gefa takmarkaðri heimildir. Sjá nánar hér fyrir neðan.
Hlutverk sem gefa allar heimildir kennara
- Umsjónarkennari/Course Leader
- Kennari/Teacher
- Aðstoðarkennari/Assistant Lecturer
- Leiðbeinandi/Supervisor
- Meðleiðbeinandi/Co-Supervisor
- Umsjónarmaður/Coordinator
Hlutverk sem gefa takmarkaðar heimildir
Hlutverkið gefur flestar þær heimildir sem kennari hefur á námskeiðsvef með nokkrum mikilvægum undantekningum.
Aðstoðarnemandi getur hlaðið inn skrám, búið til síður, sett upp verkefni og próf, skipt nemendum upp í hópa, sent tilkynningar og gert almennt það sem þarf til að setja upp og gera námskeiðsvef tilbúinn.
Hlutverkið veitir ekki heimild til að:
- Birta námskeiðsvef.
- Vinna í eða skoða einkunnir og endurgjöf, hvorki aðgangur að einkunnabók eða SpeedGrader.
- Setja upp matskvarða.
- Skila verkefni fyrir hönd nemanda.
- Skoða tölfræðigreiningu námskeiðs.
- Setja upp eða vinna með hæfniviðmið.
Athugið að listinn er ekki tæmandi.
Hlutverkið gefur notanda aðgengi að eftirfarandi aðgerðum á námskeiðsvef:
- Setja inn skrár og búa til síður.
- Setja upp verkefni og próf.
- Setja upp spurningabanka v/prófa (gefur ekki aðgang að spurningabönkum sem aðrir hafa sett upp).
- Breyta atriðum sem hann eða aðrir hafa sett upp á námskeiðsvefnum.*
Hlutverkið veitir ekki aðgang að:
- Einkunnabók og SpeedGrader, notandinn getur því hvorki skráð né séð einkunnir og endurgjöf.
- Tilkynningum. Gestakennari getur ekki sent eða séð tilkynningar í námskeiði.
- Þátttakendalista námskeiðs og hópum.
- Tölfræðigreiningu námskeiðs.
Gestakennari getur ekki eytt atriðum á námskeiðsvefnum.
Athugið að listinn er ekki tæmandi.
Í Canvas hanga oft margar heimildir saman sem er ekki mögulegt að aðskilja t.d. ef heimild til að breyta atriðum á námskeiðsvef yrði tekin af hlutverki gestakennara gæti kennarinn heldur ekki breytt eða lagfært eigin atriði.