Þátttakendur námskeiðs
Fólk í valmynd námskeiðs
Í vídeóinu er þátttakendalisti námskeiðs kynntur (Fólk í valmynd námskeiðs). Þar sjást nemendur og kennarar námskeiðs og þar er hægt að skipta nemendum í hópa. Sjá nánar um hópa: Unnið með hópa í námskeiði.
Athugið: Nemendur og kennarar námskeiðs koma sjálfvirkt inn í Canvas úr Uglu út frá skráningu í námskeið. Ekki er mögulegt að bæta þátttakendum við námskeið inni í Canvas. Eingöngu er hægt að gefa notendum með hi-netfang aðgang.
Til hvers eru merki undir fólk?
Að auðkenna nemendur með merki getur komið sér vel vegna skipulags í námskeiði, kennslu eða verkefna. Með merkjum er hægt að búa til auðkennishópa sem innihalda tiltekna nemendur. Merkin eru ósýnileg nemendum (varist að rugla saman við hópa námskeiðs).
Dæmi um notkun auðkennismerkja
- Úthlutun verkefna: Auðvelt er að úthluta verkefnum, prófum eða síðum til nemenda með ákveðið auðkennismerki, með úthluta til í uppsetningu verkefnis/prófs/síðu.
- Aðgreind kennsla: Hægt er að búa til hópa út frá námsþörfum eða áhugasviðum til að styðja persónubundnara nám.
- Lengri próftími: Hægt er að merkja nemendur sem eiga rétt á lengri próftíma.
- Markviss samskipti: Hægt er að senda skilaboð til auðkennishópa í skilaboðakerfi Canvas.
- Sía í einkunnabók: Hægt er að sía hefðbundna einkunnabók til að skoða og greina frammistöðu ákveðinna auðkennishópa.
Hvernig nota ég auðkennismerki Canvas?
Til að nota auðkennismerki er farið í fólk í valmynd námskeiðs. Hægt er að búa til auðkennismerki annaðhvort handvirkt eða með innlestri úr CSV skrá.
Búa til og úthluta auðkennismerkjum handvirkt
- Opnaðu námskeiðið í Canvas.
- Veldu fólk í valmynd námskeiðs.
- Smelltu á halda utan um merki.
- Í hliðarglugganum sem opnast skaltu smella á byrja.
Búa til og úthluta auðkennismerkjum með CSV skrá
- Opnaðu námskeiðið.
- Veldu fólk í valmynd námskeiðs.
- Smelltu á halda utan um merki.
- Í hliðarglugganum skaltu smella á hlaða upp CSV.
- Smelltu á sækja sniðmátsskrá til að sækja forsniðið töflureiknisskjal.
Um sniðmátsskrána
Sniðmátið er forsniðið með upplýsingum um hvern nemanda, þar á meðal nafni, Canvas notandaauðkenni, notandaauðkenni og innskráningarauðkenni. Það þarf því ekki að breyta þeim dálkum.
Nauðsynlegt er að flytja inn skrána í Excel (ekki opna á venjulegan hátt).
Sniðmátsskráin flutt inn í Excel:
- Búðu til tómt skjal/blank workbook.
- Veldu get data – from text CSV.
- Veldu sniðmátsskrána sem hlaðið var niður og smelltu á flytja inn/import.
- Veldu Unicode (UTF-8) undir file origin (vegna íslenskra bókstafa) og comma sem delimeter.
- Smelltu á load.
Merkin sett í skrána
- Skráðu heiti merkjanna sem þú vilt nota í dálkinn tag_name fyrir þá nemendur sem eiga að fá merkið.
- Láttu þessa dálka vera auða: canvas_tag_id, tag_id, tag_set_name, canvas_tag_set_id og tag_set_id.
- Vistaðu skrána sem CSV.
- Hladdu skránni upp í Canvas til að flytja inn merkin.
Sjá nánar:
- How do I create and manage Differentiation Tags as an instructor?
- How do I assign an assignment to everyone, individual students, differentiated tags, or sections?
- How do I assign a quiz to everyone, individual students, differentiation tags, or sections?
Skoðandi (e. observer)
Ýmsar ástæður geta legið fyrir því að kennari vill gefa einhverjum skoðunaraðgang að námskeiði í Canvas. Þetta er hægt að gera með því að gefa viðkomandi hlutverkið skoðandi (e. observer) og þarf að gera í Uglu.
Skoðandi fær réttindi til að skoða efni námskeiðs, tilkynningar og umræður en ekki að taka þátt í neinu líkt og nemendur eða búa neitt til eins og kennarar. Skoðandi fær ekki aðgang að óbirtu efni, einkunnabók, spurningabönkum eða öðru viðkvæmu efni.
Sá sem hefur skoðunaraðgang sér ekki námskeiðið í Uglu heldur þarf að opna skjáborðið í Canvas.
Sjá leiðbeiningar: um að gefa skoðunaraðgang.