Tilkynningar kennara og skilaboð
Í myndbandinu er sýnt hvernig á að:
- Birta námskeið.
- Senda tilkynningu.
- Birta nýjustu tilkynningar efst á heimasíðu námskeiðs.
Tilkynningar
Hverjum námskeiðsvef fylgir tilkynningatól, sem gerir kennurum kleift að senda nemendum tölvupóst. Tilkynningarnar vistast jafnframt á námskeiðsvefnum.
Nauðsynlegt er að birta námskeiðsvef nemendum áður en fyrsta tilkynning er send til að hún berist nemendum í tölvupósti. Tilkynningahlekkurinn er ósýnilegur nemendum þar til tilkynning hefur verið send.
Tilkynningar sendast að öllu jöfnu tafarlaust í tölvupósti en notendur geta stillt í eigin stillingum að fá tilkynningar frá námskeiði strax, daglega, vikulega eða alls ekki.
Tilkynningar bjóða upp á ýmsa valkosti:
- Senda viðhengi.
- Leyfa nemendum að tjá sig.
- Leyfa nemendum að líka við tilkynningu.
- Birta tilkynningu yfir ákveðið tímabil.
- Heimila hlaðvarpsstreymi
Gott er að skoða stillingar tilkynninga í eigin notandareikningi t.d. hvort valið er að fá í pósti tilkynningar sem maður sendir sjálfur.
Skilaboð
Þegar senda þarf póst til eins nemanda eða hóps í námskeiði er þægilegt að nota skilaboð í Canvas valmyndinni. Margir kennarar velja að nota skilaboðakerfið til að halda utan um samskipti við nemendur í stað hefðbundins tölvupósts. Í einkunnabókinni er einnig hægt að senda skilaboð til nemenda, t.d. þeirra sem ekki hafa skilað verkefni og fleira.