Þegar Turnitin plagiarism framework er virkjað í verkefni geta vísbendingar frá Turnitin í formi lita og tákna birst bæði í einkunnabók og SpeedGrader.

Með því að smella á táknið Similarity Score í SpeedGrader er hægt að opna Similarity Report í Turnitin og skoða skilin nánar.

Merking lita og tákna

1. Grænt tákn
   Skilin hafa samsvörunarhlutfall á bilinu 0% til 20%.
2. Rauður vísir
   Skilin hafa hærra en 20% samsvörunarhlutfall. Athugið að hærra hlutfall sannar ekki eitt og sér ritstuld, en gefur tilefni til að skoða skilin nánar í Turnitin.
3. Skeiðklukka
   Ritskimun á skránni er enn í vinnslu hjá Turnitin.
4. Upphrópunarmerki
   Ekki tókst að senda skilin í Turnitin eða vinna úr þeim. Ef þarf má athuga skilin aftur í SpeedGrader.

Mikilvægt að hafa í huga

1. Þessar merkingar birtast eingöngu ef Turnitin hefur verið virkjað í verkefninu í gegnum ritstuldarviðbót Canvas.
2. Ef nemandi skilar fleiri en einni skrá birtir einkunnabókin hæsta originality score. Hægt er að skoða einstakar skrár og nánari upplýsingar í SpeedGrader.
3. Bakgrunnslitur einkunnareits getur komið frá Canvas, en Turnitin-táknið sýnir stöðu ritskimunar. Þetta þarf því að lesa hvort í sínu lagi.

(Turnitin Guides)