Aðgengi í Canvas
Yfirlit
Canvas er hannað með það að markmiði að vera nothæft fyrir sem flesta notendur, þar á meðal fólk sem notar skjálesara, lyklaborð í stað músar, aukin birtuskil, skjástækkun eða önnur hjálpartæki. Aðgengi snýst þó ekki aðeins um tæknilega eiginleika kerfisins heldur líka um hvernig efni er sett fram. Skýrir titlar, góð fyrirsagnaskipan, lýsandi tenglar, textalýsingar við myndir og textun á myndböndum skipta þar miklu máli.
Eiginleikar innbyggðir í Canvas
Canvas styður opinberlega ákveðnar samsetningar skjálesara og vafra, þar á meðal JAWS og NVDA með Chrome eða Firefox á Windows, VoiceOver með Safari eða Chrome á Mac og iOS, og TalkBack á Android. Canvas notar einnig ARIA-landmarks og fyrirsagnir til að auðvelda leiðsögn með skjálesurum. Þar sem mismunandi samsetningar hjálpartækja og vafra hegða sér ekki alltaf eins er best að nota þessar samsetningar ef notandi lendir í vandræðum.
Canvas býður einnig upp á nokkra innbyggða möguleika í notandastillingum:
- High Contrast UI eykur birtuskil í viðmótinu.
- Disable Keyboard Shortcuts getur hjálpað notendum sem nota skjálesara eða treysta á lyklaborðsleiðsögn.
- Microsoft Immersive Reader getur bætt lestrarupplifun á völdum tegundum efnis.
Notendur sem þurfa sérúrræði
Ef þú notar hjálpartæki eða þarft aðlögun er gagnlegt að byrja á þessum atriðum:
Nota skjálesara eða lyklaborð
Canvas er byggt þannig að hægt sé að fara um efnið með lyklaborði og skjálesara. Á mörgum stöðum í Canvas er líka hægt að opna lista yfir flýtilykla, til dæmis í umræðum, tilkynningum, verkefnum, einingum, einkunnabók og ritlinum. Þar sem draga-og-sleppa aðgerðir geta verið erfiðar býður Canvas víða líka upp á Move To valkost sem kemur í stað þess að þurfa að draga efni til.
Aukin birtuskil og stærra viðmót
High Contrast UI getur gert texta, hnappa og önnur viðmótselement skýrari. Canvas notar líka leturstærðir sem stækka vel þegar notandi zoomar í vafra eða notar sérsniðnar leturstillingar.
Lestrarstuðningur
Microsoft Immersive Reader birtist sem hnappur á ákveðnum síðum, meðal annars á heimasíðu námskeiðs, síðum, verkefnum og kennsluáætlun. Þar er hægt að nýta lestrarstuðning og ýmsar stillingar sem bæta lestur og skilning. Ekki er þó allt efni lesanlegt þar, til dæmis ekki allt innfellt efni frá ytri verkfærum.
Lengri tími eða fleiri tilraunir í prófum
Í Quiz og New Quizzes geta teachers stillt sérúrræði fyrir einstaka nemendur, til dæmis aukinn tíma eða fleiri tilraunir. Þetta er mikilvægt fyrir próf og annað tímabundið námsmat.
Hagnýt ráð fyrir alla notendur
Ef þú þarft að finna upplýsingar hratt í Canvas hjálpar að:
- leita fyrst að skýrum fyrirsögnum og kaflaheitum,
- nota lyklaborðsleiðsögn ef músarnotkun hentar illa,
- velja dagskrá (e. agenda view) í dagatalinu ef það hentar betur en hefðbundið dagatal.
Fyrir kennara og aðra sem setja upp efni í Canvas:
– Hvernig á að búa til aðgengilegra efni?
Aðgengi ræðst mikið af því hvernig efnið er sett upp. Fyrir þá sem búa til efni í Canvas eru eftirfarandi atriði mikilvæg:
Nota fyrirsagnir til að skipuleggja efni
Áríðandi er að fyrirsagnir og undirfyrirsagnir séu mótaðar rökrétt og að möguleikar ritilsins séu notaðir til þess. Ekki að stækka texta bara sjónrænt til að búa til fyrirsögn. Notaðu fyrirsagnastíla ritilsins svo hjálpartæki geti lesið byggingu síðunnar rétt. WCAG (Web Content Accessibility Guidelines) leggur áherslu á að efni sé skiljanlegt og vel skipulagt, og Canvas notar fyrirsagnir líka í leiðsögn fyrir skjálesara.
Skrifa lýsandi tengla
Texti tengils á að vera lýsandi fyrir það sem hann opnar eða hvað hann gerir, t.d. titill greinar. Það hjálpar öllum notendum en er sérstaklega mikilvægt fyrir þá sem nota hjálpartæki til að lesa upp lista yfir tengla. Hvergi ætti að nota tengla eins og „Hér“, „Smella hér“ eða líma inn vefslóðir. Talgervlar lesa upp texta í tenglum og því er áríðandi að hann sé skýr. Til að breyta texta tengils er ritillinn opnaður, smellt einu sinni á tengilinn og farið í valkosti tengils. Í panel sem opnast hægra megin er texta tengilsins breytt.
Setja alt-texta við myndir
Myndir í Canvas og almennt á vef þurfa að hafa alt-texta (e. alternative text) þ.e. ef mynd miðlar upplýsingum. Þá geta notendur sem sjá ekki myndina samt fengið upplýsingar um inntak hennar.
Alt-texti þarf að fylgja öllum myndum sem ekki eru skilgreindar sem myndskreytingar. Alt-texti er lesinn þegar vefsíða er skoðuð með skjálesara t.d. af blindum og sjónskertum. Alt-texti er einnig birtur ef mynd er lengi að birtast t.d. vegna þess að hún er þung, nettenging er hæg eða eða þegar vefsíða er skoðuð án mynda.
Annar texti lýsir innihaldi myndar og á að vera stuttur og skorinorður án þess að fórna nákvæmni. Hann inniheldur venjulega örfá orð en eina til tvær setningar í undantekningartilvikum. Sama mynd getur haft mismunandi annan texta eftir því í hvaða samhengi hún er birt.
Annar texti á ekki: að endurtaka það sem kemur fram í texta við lýsingu myndar eða innihalda „mynd af“ eða „myndin sýnir“ þar sem talgervillinn tilkynnir að um mynd sé að ræða.
Ef mynd er eingöngu til skreytingar skal merkja við það og sleppa öðrum texta.
Sjá nánari upplýsingar og dæmi um annan texta mynda: Alternative Text á WebAIM web accessibility in mind.
Texta myndbönd
Myndbönd ættu að hafa textun. Canvas bendir sérstaklega á lokaða textun fyrir myndbönd sem hlaðið er upp í ritlinum. Þetta hjálpar bæði heyrnarskertum notendum og öðrum sem kjósa að lesa fremur en hlusta.
Gera töflur læsilegar
Ef tafla er notuð þarf að merkja dálka- og raðahausa rétt. Tafla á aðeins að vera notuð fyrir gögn, ekki til að stýra útliti á síðu.
Nota aðgengisathugun í ritlinum
Í Canvas ritlinum er hnappurinn athugun á aðgangi fyrir neðan ritilinn. Með því að nota hann geturðu fundið ýmis algeng aðgengisvandamál í efni áður en það er birt.
Skjöl, myndbönd og ytri verkfæri
Þótt Canvas sjálft sé aðgengilegt getur innsett efni verið það ekki. PDF skjöl, Word skjöl, glærur, myndbönd og efni úr ytri verkfærum þurfa líka að vera aðgengileg. WCAG á við um vefefni almennt, og Canvas bendir líka á að ytri verkfæri og LTI lausnir geti virkað misvel, sérstaklega í farsímum.
Notkun í síma og spjaldtölvu
Canvas öpp og farsímavafrar ná ekki alltaf yfir alla virkni kerfisins. Instructure segir að öppin styðji aðeins hluta af heildarvirkninni og að farsímavafrar séu aðeins með takmarkaðan stuðning. Fyrir flóknari verk, sértækar stillingar eða þegar hjálpartæki eru notuð getur stærri skjár og hefðbundinn vafri verið betri kostur.
Þegar eitthvað virkar ekki
Ef Canvas eða ákveðið námskeiðsefni virkar ekki sem skyldi með hjálpartæki getur ástæðan legið annaðhvort í sjálfu Canvas eða í því efni sem sett hefur verið inn. Byrjaðu á að kanna:
- hvort þú sért í studdri samsetningu vafra og hjálpartækis,
- hvort High Contrast UI eða aðrar notandastillingar geti hjálpað,
- hvort efnið sjálft sé sett fram með skýrum fyrirsögnum, textalýsingum og textun,
- hvort vandinn sé í Canvas eða í ytra verkfæri/skjali.
Nánari upplýsingar / Further Information
Fyrir nánari upplýsingar um aðgengi í Canvas má skoða opinberar leiðbeiningar Instructure um aðgengisstaðla, aðgengisathugun í ritlinum og gátlista fyrir aðgengilegt námskeiðsefni. Einnig er gagnlegt að þekkja WCAG 2.2, sem er alþjóðlegur viðmiðunarstaðall fyrir aðgengilegt vefefni.