Algengar spurningar nemenda

Hér er stutt kynningarmyndband sem útskýrir Canvas í stuttu máli.

Þú skráir þig inn í Uglu og þar sérð þú yfirlit yfir þau námskeið sem þú hefur skráð þig í. Síðan smellir þú einfaldlega á heiti þess námskeiðs sem þú vilt skoða og Canvas opnast í nýjum flipa. 

Til þess að flakka á milli námskeiða í Canvas smellir þú á “Skjáborð” í valmyndinni lengst til vinstri og þá færð þú yfirlit yfir námskeiðin þín og getur opnað kennsluvefina þar. 

Flest í Canvas virkar í öllum vöfrum (e. browser). Þó geta komið upp tilvik þar sem ekki allir vafrar styðja alla virkni. Sá vafri sem oftast virkar er Google Chrome. Sá vafri sem helst hefur valdið vandkvæðum er Safari. 

Það eru fleiri atriði sem hafa áhrif á virkni, stýrikerfi og auðkenningarþjónustur. 

Ef eitthvað virkar ekki sem skyldi í Canvas er alltaf gott ráð að prófa að skipta um vafra og athuga hvort vandinn getur leynst þar. 

 

ÞEKKT VAFRAVANDAMÁL

  • Zoom viðbótin í Canvas sem sumir kennarar eru að nota virkar ekki í öllum útgáfum af Safari. Hægt er að leysa það með því að skrá sig inn á zoom.us í öðrum flipa í vafranum eða skipta um vafra. 
  • Ákveðnar útgáfur af Safari hafa hindrað nemendur í að sækja skjöl úr einingum. 
Hér eru formlegar skilgreiningar á því hvaða stýrikerfi og vafrar virka í Canvas. https://community.canvaslms.com/t5/Canvas-Basics-Guide/What-are-the-browser-and-computer-requirements-for-Canvas/ta-p/66

 

Kennari hefur tvær leiðir til þess að nota Zoom til þess að halda fjarfundi með nemendum. 

  1. Deila tengli: Ef kennari setur tengil á Zoom fund í tilkynningu, á síðu eða á forsíðu námskeiðs, dugar langoftast fyrir nemendur að smella á tengilinn. Þá biður vafrinn um að fá að opna Zoom forritið. Nánari upplýsingar og tengil á forritið má nálgast hér: https://kennslumidstod.hi.is/fraedsluefni/fjarfundir-og-netspjall/zoom/
  2. Zoom viðbótin í Canvas: Kennarar geta líka valið að virkja Zoom viðbót í Canvas. Þá birtist Zoom sem hluti af leiðarstýringu námskeiðs:
    Þegar nemendur smella á Zoom þarna, opnast þeir fundir sem kennari hefur skipulagt fyrir þetta námskeið og nemandi getur smellt beint á “Join” til þess að opna fundinn.

Athugið að sumar útgáfur af Safari vafranum birta ekki efnið frá Zoom þegar nemandi smellir á. Þá gætir þú þurft að skipta um vafra. (e. browser). 

Kennari getur boðað til fjarfundar með Teams í Canvas. Þá fær hann hlekk á fundinn sem hann deilir með nemendum sem nemandi smellir á til þess að komast á fundinn.

Þegar nemandi smellir á hlekkinn, hvort sem það er beint úr Canvas eða tölvupósti frá kennara, er hægt að velja hvort fundurinn sé opnaður í Teams forritinu eða í vafra. Mælt er með því að nemendur noti Teams forritið frekar en vafra til að opna fundinn. 

Ef þú hefur ekki nú þegar sótt Teams forritið getur þú fylgt leiðbeningum um það hér: http://uts.hi.is/node/1402

Það er mjög mikilvægt að vera innskráður með @hi.is netfanginu sínu þegar þú mætir á Teams fund. Þannig getur kennari séð hverjir eru mættir og ef fundurinn er tekinn upp færð þú aðgang að upptökunni. Ef þú lætur áframsenda póst til þín í annað netfang en háskólapóstinn og smellir á hlekkinn beint úr því netfangi er hætta á að kennari átti sig ekki á því að þú hafir mætt og þú átt á hættu að fá ekki aðgang að upptökunni að fundi loknum.

Þegar kennari hefur skráð einkunn fyrir verkefni getur þú nemandi skoðað einkunnir í námskeiði með því að smella á Einkunnir í valmynd námskeiðsins:

Þá fæst yfirlit yfir þau verkefni sem nemandi hefur skilað og árangur í þeim verkefnum eftir að kennari hefur skráð einkunn. Yfirlit yfir það sem er að finna á þessari síðu er í myndbandi hér fyrir neðan:

 

Athugið vel að einkunnir eru í tveimur dálkum. Annars vegar Einkunn og hins vegar Af og það er mikilvægt að nemandi skoði vel báða dálkana til þess að átt sig á því hver árangurinn í verkefninu er. 

Algeng vandamál

Ef Canvas vefur námskeiðs opnast ekki eru tvær mögulegar skýringar: 

  1. Kennari hefur ekki birt námskeiðið. 
    Til þess að þú sjáir efni námskeiðsins þarf kennari að birta það nemendum. Ef kennari er enn að vinna í að setja upp efni námskeiðsins getur hann falið það fyrir nemendum. 
  2. Þú ert ekki skráð / ur í námskeiðið
    Í Canvas sérð þú eingöngu þau námskeið sem þú hefur skráð þig í. Skráningar fara fram í Uglu. Eftir að þú hefur verið skráð / ur í námskeið getur liðið allt að ein klukkustund þar til að þú færð aðgang að námskeiðinu. 

Athugaðu líka að þú verður að nota @hi.is netfangið þitt til þess að skrá þig inn á Canvas. 

Allar tilkynningar frá kennara eru sendar í @hi.is netföng nemenda og þú þarft að skoða póstinn þar. Ef tilkyninning hefur ekki borist þér í tölvupósti en hefur sannalega verið send út, máttu láta okkur vita með því að senda okkur póst á help@hi.is. 

Að auki eru tilkynningar sýnilegar á forsíðu Canvas vefs í námskeiði og þú getur skoðað Canvas vefinn reglulega til þess að sjá tilkynningar frá kennara. 

Einnig er hægt að fá tilkynningar beint í símann með því að setja upp Canvas Student appið, sem er fáanlegt bæði í AppStore og Play store.

Ef eitthvað virkar ekki sem skyldi í Canvas hefur þú nokkrar leiðir til þess að fá aðstoð: 

Hjálparvalmyndin í kerfinu

Í aðalavalmynd Canvas, vinstra megin er hjálparhnappur. Ef þú smellir á hann getur þú t.d. sent fyrirspurn beint á kennarann eða ef þú telur að vandamálið sé eitthvað annað en uppsetning á námskeiði er hægt að fylla út hjálparbeiðni. 

 

Þjónustubeiðni til UTS og kennslusviðs

Það er líka hægt að senda póst með hjálparbeiðni beint til UTS og kennslusviðs þar sem þið lýsið vandamálinu vel á help@hi.is eða með því að nota þjónustugáttina

Starfsfólk þjónustuborða UTS á Háskólatorgi og í Stakkahlíð getur líka veitt aðstoð. 

Canvas er notað víða um heim og það getur líka verið gagnlegt að leita hreinlega að svari á internetinu. 

Þar sem kennarar hafa nota Teams til þess að halda fjarfund, tekið hann upp og deilt upptökunni í námskeiði, getur það gerst að þú fáir þau skilaboð að þú hafir ekki aðgang að upptökunni. 

Fyrir því geta verið tvær ástæður: 

  1. Þú hefur mætt á fundinn með örðum innskráningarauðkennum en @hi.is netfanginu þínu. Það er mjög mikilvægt að mæta á Teams fundi með háskólanetfanginu sínu og öruggasta leiðin til þess er að smella á tengilinn beint úr Canvas, en ekki t.d. úr áframsendum pósti. 
  2. Aðeins þeir sem mættu á fundinn fá aðgang að upptökunni. Hafir þú ekki mætt, færðu ekki sjálfkrafa aðgang að upptökunni.

Leiðin til þess að fá aðgang að Teams upptökum, ef þær eiga að vera aðgengilegar eftirá, er að mæta á fundina með @hi.is netfanginu sínu, t.d. með því að vera innskráður í Canvas og smella á tengilinn þar.

Verkefnaskil

Þegar kennari hefur sett upp skilahólf fyrir verkefni í Canvas þarft þú einfaldlega að opna skilahólfið með því að smella á tengilinn fyrir það. 

1. Til þess að skila verkefni smellir þú á bláa hnappinn, uppi hægra megin: 

 

2. Þá opnast gluggi fyrir neðan þar sem þú velur skjalið sem þú ætlar að skila og þú smellir á “Choose file”, finnur skjalið sem þú ætlar að skila og smellir svo á “Skila verkefni”.

 

3. Þá færð þú staðfestingu á skilum í gluggann hægra megin þar sem þú sérð nákvæmlega hvenær verkefninu var skilað: 

 

Ef kennari hefur gefið endurgjöf á verkefnið, athugasemdir eða slíkt, getur nemandi skoðað endurgjöfina með því að smella á Einkunnir í Canvas:

Hafi kennari skrifað athugasemd við skilin getur nemandi smellt á athugasemdatáknið lengst til hægri. 

Ef nemandi smellir á heiti verkefnisins er hægt að fá nánari upplýsingar um skilin og skoða frekari endurgjöf ef hún á við: 

Hér getur nemandi séð athugasemdir frá kennara, einkunn fyrir verkefnið og skoðað frekari endurgjöf

Kennari stýrir því hvort nemendur megi skila verkefni oftar en einu sinni. Ef það er í boð að skila aftur, smellir nemandi einfaldlega á verkefnið og smellir svo á Endursenda verkefni.

Til þess að sjá öll verkefni sem á að skila í námskeiði smellir þú á Verkefni í valmynd námskeiðs.

Nemandi getur valið á milli þess að sjá þau í tímaröð (Sýna eftir degi) eða smellt á Sýna eftir tegund og þá fæst yfirlit yfir það hvernig verkefnum er raðað í verkefnahópa og hvert vægi þeirra er í lokaeinkunn, hafi kennari stillt því upp. 

Athugið að kennarar birta ekki alltaf öll verkefni strax og því mikilvægt að kynna sér kennsluáætlun hvers námskeiðst til þess að fá gott yfirlit yfir verkefnaskil.

 

 

Kennarar geta fengið nemendur til þess að gefa endurgjöf á verkefni annarra nemenda. Hafi kennari sett upp jafningjamat í námskeiði, þá sér nemandi það t.d. á aðgerðalista á forsíðu námskeiðs: 

Þegar nemandi sér þetta tákn og smellir á það opnast gluggi þar sem hann getur skoðað verkefnið sem hann á að meta.

Til þess að skoða verkefnið sem á að meta er hægt að hlaða því niður með því að smella á nafn skjalsins vinstra megin eða skoða það með því að smella á Skoða endurgjöf. 

Síðan skráir nemandi mat sitt á verkefninu í athugasemdakassann, hengir matið sitt við sem skrá með því að smella á Hengja skrá við og smellir svo á Vista. 

Hafi kennari stillt upp matskvarða fyrir jafningjamatið, er smellt á Sýna matskvarða:

Nemandi smellir svo í þá reiti í matskvarðanum sem honum finnst eiga við, getur skráð athugasemdir og endar svo á að Vista athugasemd.

 

Hópavinna

Það eru ýmsir möguleikar til þess að stofna hópa í Canvas. Ef kennari hefur stofnað hópa og raðað sjálfur í þá eða látið Canvas raða í handahófskennt í hópa getur þú séð þá hópa með því að smella á “Fólk” í valmynd námskeiðs. Þar eru tveir flipar: “Allir” og “Hópar”. Til þess að sjá hópana sem þú ert í smellir þú á Hópar. 

Þá birtist listi af hópum í námskeiðinu. Ef kennari hefur óskað eftir því að nemendur skrái sig sjálfir í hópa er hægt að smella á “Taka þátt” aftan við heiti hópsins og þá skráist þú í þann hóp.

Stundum geta nemendur skipt um hópa og þá sjá þeir “Skipta í” og geta þá smellt þar til að skipta um hóp. 

Hver hópur í Canvas á síðan samvinnusvæði sem nemendur geta notað. Til að skoða samvinnu svæði nemenda er smellt á “Heimsækja”: 

Á þessu svæði geta nemendur innan hópsins deilt skjölum, stofnað umræður stofnað síður og fleira. Athugið að kennari hefur alltaf aðgengi að hópasvæði nemendahópa í Canvas. 

Þegar búið er að stofna hóp í Canvas eignast sá hópur sitt eigið heimasvæði þar sem hann getur: 

  • Stofnað umræðuþræði
  • Skipst á skjölum
  • Boðað fjarfundi 
  • Sent tilkynningar innan hópsins

Til þess að skoða heimasvæði hóps getur þú smellt á hópatáknið í aðalvalmyndinni lengst til vinstri. Þá sérð þú alla hópa og með því að smella á nafn hóps ferðu beint á heimasvæði þess hóps: 

Þá opnast heimasvæði þess hóps. Þú sérð heiti námskeiðs í horninu uppi vinstra megin og þar fyrir neðan er leiðartré fyrir þennan hóp. Hér geta þeir sem skráðir eru í hópinn sinnt vinnu við hópverkefnið, rætt efnistök, sett inn skjöl sem á að lesa og jafnvel búið til síður. Einnig er hægt að búa til tilkynningar fyrir fundi sem á að halda í hópnum o.s.frv. 

Við hvetjum nemendur eindregið til þess að nota heimasvæði hópa til samskipta, frekar en að nota samfélagsmiða. Athugið þó að kennari hefur alltaf aðgang að heimasvæðum hópa. 

Já. Ef þið viljið stofna umræðuþráð fyrir hóp sem er að vinna saman í námskeiði. Það er einfaldast að gera það með því að fara inn á heimasvæði hópsins (sjá hér fyrir ofan) og stofna umræðuþráð þar. Þá er smellt á Umræður og +Umræða. 

Umræðuefninu er síðan gefin fyrirsögn, umræðuefninu lýst og að lokum er smellt á Vista.

Þegar kennari setur inn hópverkefni í Canvas skilar einn nemandi vekefninu fyrir hönd hópsins. 

Verkefninu er skilað alveg eins og einstaklingsverkefnum, með því að smella á nafn verkefnisins og fara í gegnum sama ferli og í einstaklingsverkefnum, sjá hér fyrir ofan. 

Athugið að verkefni telst ekki skilað, þó að það sé vistað í skráarsafnið á heimasvæði hópsins. 

Umræður

Þegar kennari stofnar til umræðna í Canvas er einfalt fyrir nemendur að taka þátt í þeim. 

Nemandi smellir á tengil beint á umræðuna sem hann á að taka þátt í, eða á Umræður í valmynd námskeiðsins og finnur rétta umræðuþráðinn þar. 

Til þess að taka þátt í umræðunum er smellt á Svara og þá getur nemandi skrifað svarið sitt, sett inn tengla o.s.frv. 

Stundum eru umræður metnar til einkunna en þátttaka nemandans er alveg eins. 

Ef nemandi á að setja skjal inn í umræðuþráð smellir hann á Hengja við:

Það er stillingaratriði kennara hvort hann leyfir nemendum að stofna umræður. 

Ef það er leyfilegt smellir nemandi á Umræður í valmynd námskeiðsins og smellir þar á +Umræða

Kennari getur stillt umræður þannig að nemendur sjái ekki svör annarra nemenda fyrr en þeir hafa sjálfir skilað inn svari. 

Þannig getur kennari minnkað hættuna á að nemendur taki afstöðu til umræðuefnis út frá því sem aðrir nemendur hafa skrifað í sínum svörum.