Hvað er námsumsjónarkerfi?

Kennarinn

Námsumsjónarkerfi  er hugbúnaður þar sem stofnaður er kennsluvefur fyrir hvert námskeið. Kennsluvefnum tilheyra ýmis konar verkfæri sem styðja við starf kennarans:

  • Sjá skráða nemendur og framvindu þeirra.
  • Deila námsgögnum.
  • Senda nemendum tilkynningar.
  • Setja upp viðfangsefni, svo sem verkefni og próf.
  • Stjórna hópaskiptingu nemenda.
  • Halda utan um námsmat.
Nemandinn

Frá sjónarhóli nemenda er kennsluvefur námskeiðs ákaflega mikilvægt tæki í námi því hann heldur utan um námsferlið í námskeiðinu. Þar getur nemandinn haft yfirsýn yfir:

  • námsgögn og leslista.
  • skiladaga á verkefnum.
  • tilkynningar frá kennara.
  • námsmat og einkunnir fyrir verkefni.

Að auki getur nemandi haft samskipti við kennara og aðra nemendur, unnið í hópum, metið verkefni annarra nemenda og tekið þátt í umræðum um námsefnið. 

Út frá kennslufræðilegum sjónarmiðum á kennsluvefur að endurspegla kennsluáætlun og skipulag kennslu. Það á jafnt við um staðbundið nám og fjarnám. 

Myndræn framsetning á tilgangi námsumsjónarkerfis.