Á vormisseri 2020 hafa verið kennd 60 námskeið í Háskóla Íslands.
Þar hefur orðið til mjög dýrmæt reynsla af notkunarmöguleikunum.
Í ljósi Covid-19 faraldurs fer þjálfun í notkun Canvas fram á netinu.
Námskeið eru haldin reglulega og eru opin öllum kennurum Háskóla Íslands.
Kennarar sem byrja að vinna í námskeiðum haustmisseris 2020 geta fengið aðstoð í gegnum netið og síma.
Ráðgjafar svara fyrirpsurnum sem eru sendar á help@hi.is.
Einnig er hægt er að óska eftir símtali eða netfundi.
Á vormisseri 2020 fóru fram ítarlegar prófanir á kerfinu þar sem rúmlega 60 kennarar og 2.300 nemendur prófuðu kerfið.
Ég bara finn það á mínum nemendum að þeir eru mjög ánægðir með kerfið og mér finnst það líka þægilegt og auðvelt í notkun“
Það er ýmislegt í þessu kerfi sem er snilld. Endurgjafarkerfið SpeedGrader auðveldar mjög yfirferð, það er fljótlegt að hoppa milli verkefna, endurnýta athugasemdir og fleira.
Ég er viss um að allir kennarar geta fundið leið til þess að láta Canvas hjálpa til við kennslu og skipulag. Sem er það sem námsumsjónarkerfi á að gera.
Við innleiðingu á nýju kerfi vakna margar spurningar og áhyggjur af breytingum eru eðlilegar. Hér eru svör við algengustu spurningum sem við höfum fengið frá kennurum:
Þú þarft að læra á Canvas. Þjálfun í kerfinu fer fram á netinu á meðan Covid-19 faraldur gengur yfir. Þið getið skráð ykkur á vefnámskeið hér.
Að auki verður hægt að nálgast leiðbeiningar og kennsluefni á netinu.
Að lokinni grunnþjálfun þarftu að setja námskeiðin sem þú kennari á haustmisseri 2020 upp í Canvas. Þú munt fá aðstoð við það í vinnustofum sem verða haldnar reglulega eftir að faraldurinn er genginn yfir.
Kennsluvefir þeirra námskeiða sem þú kenniar á haustmisseri 2020 verður aðgengilegir frá 15. mars.
Til þess að opna kennsluvef námskeiðs og byrja að vinna í honum smellir þú einfaldlega á nafn námskeiðsins í Uglu og þá færist þú yfir á kennsluvefinn í Canvas.
Til að byrja með er eðlilegt að þú sjáir enga nemendur í námskeiðinu þínu, en þeir fá aðgang að kerfinu þegar nær dregur kennslu.
Kennarar munu geta kennt námskeiðin sín áfram eins og þeir hafa gert. Það er eingöngu rafrænt umhveri þeirra sem breytist.
Kennari getur notað Canvas á mjög einfaldan hátt, eða nýtt fleiri möguleika kerfisins, allt ef því hvað hentar hverju sinni.
Innleiðing kerfisins býður hins vegar upp á tækifæri til að ígrunda og endurhanna kennsluna.
Þú munt geta flutt flest skjöl og sum önnur gögn milli kerfa. Flutningur gagna úr Uglu í Canvas er nokkuð einfaldur.
Námskeið úr Moodle er hægt að flytja yfir í Canvas en þau munu ekki birtast óbreytt í Canvas. Kennarar þurfa að yfirfara kennsluvefina sína eftir flutning.
Gögn úr námskeiðum sem kennd voru á haustmisseri 2019 hafa verið flutt yfir í Canvas Hægt er að óska eftir aðstoð við flutning eldri gagna með því að senda póst á help@hi.is.
Að hluta til. Uglan verður áfram umsýslukerfi Háskóla Íslands en Canvas heldur utan um nám og kennslu.
Allar upplýsingar um þátttakendur í námskeiði, kennara, aðstoðarkennara, nemendur o.s.frv. eru áfram skráð í Uglu.
Margir kennarar vilja hefja kennslu á því að senda nemendum tilkynningu. Það er gert í Canvas og á grunnþjálfunarnámskeiði kennum við þér að búa þær til.
Innleiðingarteymi Canvas tekur við athugasemdum og spurningum og leggur sig fram við að svara erindum væntanlegra notenda eins fljótt og auðið er.